Háliidat go don gállit luotta Álttá musea jođiheaddjin ja fágaovddideaddjin?
Rabas virgi sekšuvdnajođiheaddji dálááigge ja historjjálaš áigge sekšuvdnii
Sekšuvdnajođiheaddji dálááigge ja historjjálaš áigge sekšuvdnii
Háliidat go don gállit luotta Álttá musea jođiheaddjin ja fágaovddideaddjin?
Rabas virgi sekšuvdnajođiheaddji dálááigge ja historjjálaš áigge sekšuvdnii – nuppe geardde almmuheapmi
Báktedáidaga máilmmiárbeguovddáš – Álttá musea IKS ohcá sekšuvdnajođiheaddji min dálááigge ja historjjálaš áigge sekšuvdnii. Álttá museas leat 27 bargi, ja lea okta Álttá gelddolaččamus bargosajiin mas leat musea, máilmmiárbi ja mátkkoštanealáhus. Dál leat sekšuvnnas 6 bargi, gean leat máŋga ođđa ovdánahttinprošeavtta ja áŋgiruššama gaskkusteami, fága ovddideami ja dutkama suorggis.
Álttá musea: Geatnegas –fátmmasteaddji – duostil
Sekšuvdnajođiheaddji váldobarggut:
Fágalaš ovdánahttinbargu mii nanne musea rolla dohkkehuvvon gealbobirrasis.
Leat veahkkin máhttoovdánahttimis, gaskkusteamis ja musea rolla ovdánahttimis aktiiva servvodataktevran.
Fágalaččat ovddasvástidit musea čoakkáldaga mas leat dávvirat, govat, arkiiva, kulturhistorjjálaš visttit ja fatnasat.
Fágalaš bargu sekšuvnna ovddasvástádussurggiin, dás maid ovddidit ođđa čájáhusaid.
Sekšuvnna bargiid bargiidovddasvástádus ja viidásitovdánahttit buori fágalaš ja sosiála bargobirrasa.
Oassálastit musea jođihanjoavkkus ja veahkkin ovdánahttit musea gustovaš plánaid mielde.
Du birra
Mii ohcat du geas lea:
- Oahppu masterdásis dahje alit museaguoskevaš fágain nu go kulturdieđa, humaniora dahje servvodatfága.
- Relevánta hárjáneapmi fágabirrasis, áinnas museasuorggis.
- Buorit njálmmálaš ja čálalaš ovdanbuktinnávccat dárogillii ja eŋgelasgillii.
Dan lassin sávvat mii ahte dus lea:
- Jođiheaddjehárjáneapmi.
- Máhttu regiovnna kulturhistorjjás ja kultuvrralaš máŋggabealatvuođas.
- Persovnnalaš iešvuođat mat leat dehálaččat virgái:
- Movttiidahtti jođiheaddjevuohki mas lea integritehta, ovttasbargu ja ođđafuomášeapmi.
- Návccat hukset fierpmádagaid ja relašuvnnaid.
- Dáhttu ja návccat vuoruhit ja čađahit bargguid.
- Návccat bargat strategalaččat ja viidásitovdánahttit buori organisašuvdnakultuvrra.
Sekšuvdnajođiheaddjin oaččut don jođiheaddjeovddideaddji fálaldaga ja buriid rámmaid fágalaš barggus, mii lea bissovaš 100 % virgi. Álgin ja bálká šiehtadusa mielde. Mis lea buorre ja movttiidahtti bargobiras mas leat áŋgiris ja liekkus bargoustibat. Álttá museas lea KLP penšuvdnaortnet.
Áltá lea Finnmárkku stuorámus gávpot gos leat sullii 21 000 ássi. Gávpogis leat máŋggabealat ealáhusdoaimmat, viiddis kulturfálaldat ja hui buorit vejolašvuođat luonddu- ja olggodaddandoaimmaide. Áltá lea maid oahpahusguovddáš. Dáppe sáhtát lohkat eanet movt lea orrut suohkanis: Presentasjon av Alta kommune
Mii fuomášuhttit ahte sáhttet almmuhuvvot dieđut ahte don leat ohcci vaikko don it háliit biddjot ohcciidlistui, Almmolašvuođalága § 25 vuođul. Jus háliidat spiehkasteami almmolašvuođas, de oaččut dieđu jus dan eat sáhte čuovvolit.
Ohcan oktan CV:in sáddejuvvo: soknad@altamuseum.no njukčamánu 6. b. 2022 rádjái. Gažaldagaid virggi birra vástida direktevra Jan S. Dølør, mob. 911 72 725.